ഇനി ഒരു ഐസ് ക്രീം കഴിച്ചാലോ

വാനില ഐസ്ക്രീം ഉണ്ടാക്കാo കുട്ടികളും മുതിര്‍ന്നവരും ഒരുപോലെ ഇഷ്ട്ടപ്പെടുന്ന ഒന്നാണ് ഐസ്ക്രീം .. നമ്മുടെ ആഘോഷപരിപാടികളും ഐസ്ക്രീം ഒരു താരമാണ് .. പലപ്പോഴും നമ്മള്‍ ഇത് കടകളില്‍ നിന്നുമാണ് വാങ്ങി കഴിക്കാറ് കഴിക്കുംന്തോറും കൊതി കൂടുകയും ചെയ്യും …എന്നാല്‍ കടകളില്‍ നിന്നും നമ്മള്‍ കൊതിയോടെ വാങ്ങി കഴിക്കുന്ന ഐസ്ക്രീമിലെ ചേരുവകള്‍ അറിഞ്ഞാല്‍ പിന്നെ ജീവിതത്തില്‍ നമ്മള്‍ ഐസ്ക്രീം കഴിക്കില്ല അത്രയ്ക്കും അറപ്പുളവാക്കുന്നവയാണ് കമ്പനികള്‍ ഐസ്ക്രീമില്‍ ചേര്‍ക്കുന്നത്..പക്ഷെ ഐസ്ക്രീം നമുക്ക് ഉപേക്ഷിക്കാനും വയ്യ അപ്പോള്‍ നമുക്കിത് വീട്ടില്‍ ഉണ്ടാക്കാന്‍ കഴിഞ്ഞാലോ അതില്പരം സന്തോഷമില്ലല്ലേ .. ഫ്രിഡ്ജും മിക്സിയും ഉള്ള വീട്ടില്‍ എളുപ്പത്തില്‍ ഉണ്ടാക്കാവുന്ന ഒന്നാണ് ഐസ്ക്രീം ( ഇന്ന് മിക്ക വീടുകളിലും ഇതുണ്ടാകും ഇല്ലാത്തവര്‍ ഉണ്ടാക്കി മറ്റുള്ളവര്‍ക്ക് കൊടുക്കണേ കേട്ടോ ) ഇതാ വീട്ടില്‍ തന്നെ തയ്യാറാക്കാവുന്ന സ്വാദിഷ്ടമായ ഐസ്ക്രീം ഇത് നമുക്ക് വിശ്വസിച്ച് കഴിക്കാം കൊതി തീരുംവരെ …ഐസ്ക്രീമില്‍ വാനില ഐസ്ക്രീം ആണ് മിക്കവര്‍ക്കും പ്രിയം നമുക്ക് വാനില ഐസ്ക്രീം തന്നെ ഉണ്ടാക്കാം ..ഇതിന്റെ ചേരുവകള്‍ എന്തൊക്കെയാണെന്ന് നോക്കാം ചേരുവകള്‍ പാല്‍ ക്രീം – 175 ഗ്രാം പാല്‍ – 620 ഗ്രാം പഞ്ചസാര – 150 ഗ്രാം മുട്ടയുടെ വെള്ളക്കരു – 2 മുട്ടയുടേത് കളര്‍ , ഫ്ലേവര്‍ – വാനില ( ഇഷ്ട്ടമുള്ളത് എടുക്കാം ) ഇനി ഇതുണ്ടാക്കുന്ന വിധം നോക്കാം ഒരു പാത്രത്തില്‍ പാലും ക്രീമും ചേര്‍ത്ത് അടുപ്പില് വെച്ചു ചെറുതായി ചൂടാക്കുക. ചൂടായി കഴിയുമ്പോള്‍ ഇതിലേയ്ക്ക് പഞ്ചസാര ചേര്‍ത്തു ഇളക്കുക. ഇതില്‍ നിന്നും ആവി വരാന്‍ തുടങ്ങിയാല്‍ മുട്ടയുടെ വെള്ളക്കരു ചേര്‍ത്ത് നന്നായി ഇളക്കുക. അതിനു ശേഷം അടുപ്പില്‍ നിന്നും വാങ്ങി കളര്‍ ആവശ്യമെങ്കില്‍ ചേര്‍ത്ത് ഒരു മിക്സിയില്‍ ഇട്ട് ഒന്നു അടിച്ചെടുക്കുക. അതിനു ശേഷം ഫ്രിഡ്ജിന്റെ സാധാരണ കമ്പാര്‍ട്ട്മെന്റില് വെച്ചു തണുക്കുവാന്‍ അനുവദിക്കുക. 4-5 മണിക്കൂര് തണുത്ത ശേഷം പുറത്തെടുത്ത്ഇഷ്ടമുള്ള പഴച്ചാറോ ഫ്ലേവറുകളോ ചേര്‍ക്കാവുന്നതാണ്. ഈ മിക്സ് ഒന്നു കൂടി മിക്സിയില്‍ ഇട്ട് അടിക്കുക..രണ്ടു മിനിട്ട് അടിച്ചതിനു ശേഷം ഒരു പരന്ന പാത്രത്തില് ഒഴിച്ചു ഡീപ് ഫ്രീസറില്‍ വെച്ചു തണുപ്പിക്കുക. ഒന്നു രണ്ടു മണിക്കൂര്‍ കൊണ്ട് മിശ്രിതം തണുത്ത് കട്ടിയാവും. ഇനി ഒന്നുകൂടി പുറത്തെടുത്തു മിക്സിയില്‍ അടിക്കുക ….ഈ ഐസ് ക്രീമിനു നല്ല മൃദുത്വം ഉണ്ടാകും. ഇനി ഇഷ്ട്ടം പോലെ കൊതിതീരും വരെ കഴിക്കാം അപ്പോള്‍ എല്ലാവരും ഇപ്പോള്‍ തന്നെ ഉണ്ടാക്കി നോക്കുമല്ലോ അല്ലെ